Einsatzstart - mit Seraina und Michelle

ja hallo erst mal aus Dortmund!
Woow, beidi Teams (Zoo und Wasserpark) , hei ihre frei Tag vou gnosse! Im Wasserpark isch Töichlet worde, was das Zeug hält, und im Zoo heisi au die schööne Tier dörfe bestuune! (z Lory het ändlech ihre Giraff gse!!!)
Hie z Dortmund isches Gester richtig los gange! Die einte mit de Ching, die angere mit de Teen’s u die angere mit dr praktische Arbeit.
Bide Ching hetme ni viu müesse mache, für ihri Härze z gwinne. Si si vo Afang ah vou begeisteret gsi vo dr Kids- Gruppe. Spile, Theäterle, Singe u angeri lustigi Games si bi ihne ar Tagesordnig! Gester ischs e Olympiade gsi, und hüt hets Wasser- Spass mit Ballön, Schwümm u Rasierschuum ect gä!
Bide Teens isches scho chlei schwiriger, uf offnigi Härze für ärnsti Gspräch z träffä, aber mit ihne umezhange u gseuschaft Spili z spile macht e riise spass! Ab u zue isches chlei asträngender, aber si blibe vou drane! Itz gad sisi vorusse am grilliere, döggele, pingpong spile, umehange u Gmeinschaft gniesse mit de Jugendliche!
Mir 2 Schaffe bim Praktische mit! Ungerschetzt heimers scho echlei, mir stosse ämu a üsi Gränzene! Vo Plätz putze, zu Äst absäge, Bäum rode, Hecke schniide, wurzle usrisse u mönschleche Bagger spile chöimer im praktische Team aues mitemne guet Zeiche abchrützle!
Vodr Chuchi wärdä mir aui zämä würklech seehr verwöhnt! Ou si gäbe sech vou dri, u diene üs mega  Si stöh die ganz zit ir chuchi u läsä üs jede Wunsch voder Lippe. Es riiise MERCI vo üsere Site!
Mir verewige hiemit no grad d Gratulation a Adriano, wo hüt si 18. Geburi fiiret!!! :
HAPPY BIRTHDAY !!!!!!!
Auso, das wärs mau vo üs. Dir wärdet no me vo üsem Isatz ghöre…
PS:
Michelle vermisset: Mom, Dad, Stitch u dr Fäntu
Seraina vermisst au ihri Kollege u freut sech henne uf di letschti wuche! Wird HAMMER, schatziis! <3